Трамп демалыс күндері Зеленскиймен кездеседі

АҚШ президенті Дональд Трамп жексенбі күні Украина президенті Владимир Зеленскиймен кездеседі.

Бұл туралы X әлеуметтік желісінде Axios басылымының журналисі Барак Равид хабарлады. Оның айтуынша, келіссөздер Флорида штатындағы Мар-а-Лаго резиденциясында өтеді.

28 желтоқсанда өтетін кездесу туралы Владимир Зеленский де әлеуметтік желіде мәлімдеді. Оның сөзінше, «жаңа жылға дейін көп нәрсе шешілуі мүмкін».

Өткен демалыс күндері АҚШ президентінің арнайы өкілі Стив Уиткофф пен Дональд Трамптың күйеу баласы Джаред Кушнер Ресей президентінің арнайы өкілі Кирилл Дмитриевпен кездесу өткізген.

Кейбір деректерге қарағанда, Ресей қазіргі 20 тармақтан тұратын бейбітшілік жоспарының нұсқасына елеулі өзгерістер енгізуді талап етіп отыр. Алайда Ресейдің Сыртқы істер министрлігі бұл жарияланымды жалған ақпарат деп атады.

Бұған дейін РФ Сыртқы істер министрлігі Украинадағы қақтығысты аяқтау бойынша АҚШ-пен жүргізіліп жатқан келіссөздерде баяу болса да, тұрақты ілгерілеу бар екенін мәлімдеген.

Мұның алдында Трамп ядролық оқшантайлары бар жаңа «алтын флот» құру жоспары туралы айтқан еді.