Енді eGov порталынан әскери қызметке қатысты анықтама алуға болады

Қазақстандықтарға еGov электрондық үкімет порталында тағы бір анықтаманы онлайн алуға мүмкіндік ашылды. Бұл туралы Қорғаныс министрлігінің баспасөз қызметі хабарлады.

Енді қазақстандықтар үйден шықпай-ақ әскери қызметке жарамдылық дәрежесі туралы анықтама ала алады. Министрліктің ақпаратына сүйенсек, жаңа функция пайдаланушыларға мессенджерлер арқылы азаматтың әскери қызметке қатынасы, әскери есептегі жай-күйі, әскери қызмет өткеру кезеңдері, оның ішінде әлеуметтік төлемдер алуға құқық беретін мәліметтер туралы мәліметтерді жүктеуге, жіберуге және басып шығаруға мүмкіндік береді.

Бұл ақпаратты алу үшін eGov порталының жеке кабинетіне кіріп, «Әскери қызмет» бөлімінде «Жүктеу» батырмасын басу жеткілікті.

Қорғаныс министрлігі болашақта бұл ақпаратты eGov Mobile қосымшасынан және екінші деңгейлі банктерден алуға болады деп уәде берді.