Астанада бірінші ауысымның 0-9 сынып оқушылары онлайн оқиды
Жарияланды
Ауа-райының нашарлауына байланысты Астанадағы бірінші ауысымның 0-9 сынып оқушылары қашықтықтан оқыту форматына уақытша ауыстырылды. Бұл туралы Қала әкімінің баспасөз қызметі хабарлады.
Шешім қолайсыз ауа-райы кезінде оқушылардың қауіпсіздігін қамтамасыз ету мақсатында қабылданды. Қашықтықтан оқыту режимі 2026 жылдың 14 қаңтарында бірінші ауысымда оқитын 0-9 сынып оқушыларына қатысты.
Осыған дейін алдағы күндері Қазақстанда ауа-райы күрт нашарлайтынын жазған едік. Солтүстік-батыс циклонының арқасында елде қар, жаңбыр, боран және көктайғақ болады деп болжанды.
