Алматыда ауа райының құбылуына байланысты авиарейстер кейінге қалды

Алматы халықаралық әуежайында бірнеше рейс кешіктірілуде. Айта айтқанда, Атырауға (үш рейс), Ақтау мен Үрімшіге ұшатын, сондай-ақ Шымкент, Атырау, Фукуока, Пхукет, Жезқазған, Дубай, Қызылорда, Үрімші, Петропавл және Бейжіңнен ұшып келетін рейстер кешіктірілуде.

Әуежайдың баспасөз қызметі рейстердің жаппай кешігуі, оның ішінде ауа райы себептері бойынша байқалмайтынын атап өтті. Әуежай штаттық режимде жұмыс істейді.

Қала көшелерінде қардың түсуіне байланысты 10 балдық кептеліс тіркелген.

Ауа райының нашарлауына байланысты Алматының коммуналдық қызметтері күшейтілген жұмыс режиміне көшті. «Қазгидромет» РМК деректері бойынша 15-16 қаңтар жауған қар 17 қаңтарға дейін жалғасады.

Әкімдікте тәулік бойы жұмыс істеуге 1 030 бірлік мамандандырылған техника, сондай-ақ 200 бірлік жеке ұйымдар техникасы және 2 710 жұмысшы тартылғанын хабарлады. Аулаларды тазалау үшін 1 790 қызметкер мен 256 арнайы техника жұмылдырылды.