Әлемдегі ең қауіпсіз әуекомпаниялар анықталды

AirlineRatings сарапшылары сервистік қызмет көрсететін және бюджеттік (лоукостер) бағыттағы ең сенімді авиатасымалдаушылардың тізімін ұсынды.

Рейтингті жасау кезінде бірнеше маңызды фактор негізге алынды:

• Жалпы рейстер санына шаққандағы авиациялық оқиғалардың көрсеткіші;
• Әуе паркінің (ұшақтардың) жасы;
• Пилоттардың дайындық деңгейі;
• Халықаралық қауіпсіздік тексерістерінің нәтижелері.

AirlineRatings басшысы Шарон Петерсеннің айтуынша, үздік 25 әуе компаниясының арасындағы қауіпсіздік айырмашылығы өте аз.

«Топ-25 тізіміне енген барлық компаниялар – әлемдік көшбасшылар. Сондықтан бір компания екіншісінен айтарлықтай қауіпсіз деп кесіп айту қиын», – деп атап өтті Шарон Петерсен.

Толық сервис көрсететін ең қауіпсіз әуе компаниялары:

1. Etihad (БАӘ)
2. Cathay Pacific (Гонконг)
3. Qantas (Австралия)
4. Qatar Airways
5. Emirates

Ең қауіпсіз лоукостерлер (бюджеттік тасымалдаушылар):

1. HK Express (Гонконг)
2. Jetstar (Австралия)
3. Scoot (Сингапур)
4. flydubai
5. EasyJet (Ұлыбритания)