Қысқы олимпиадаға қазақстандық 36 спортшы қатысады
36 қазақстандық спортшы Италияның Милан және Кортина-Д’ Ампеццо қаласында өтетін XXV Қысқы Олимпиада ойындарында еліміздің атынан өнер көрсетеді, деп хабарлайды Спорт және дене шынықтыру істері комитеті.
Қазақстан қысқы Олимпиада ойындарына тоғызыншы рет қатысады. Милан-2026 олимпиадасының басты ерекшелігі – гендерлік теңдік қағидатын сақтау. Қазақстаннан 18 ер адам мен 18 әйел адам лицензия алды. Бұл Бейжіңдегі 2022 Олимпиадасымен салыстырғанда екі қатысушыға көп.
Бұл Олимпиада ойындары фристайл-могул бойынша Пхенчхан-2018 қола жүлдегері Юлия Галышеваның бесінші Олимпиадасы. Шорт-трекистер Абзал Әжғалиев пен Денис Никиша Олимпиадада қатарынан төртінші рет өнер көрсетеді.
Қазақстан құрамасының құрамында Бостондағы мәнерлеп сырғанаудан әлем чемпионатының күміс жүлдегері Михаил Шайдоров пен фристайл-могулдан әлем чемпионатының екі дүркін қола жүлдегері Анастасия Городко да өнер көрсетеді.
Қазақстандық спортшылар 10 спорт түрі бойынша ұсынылатын болады. Олимпиадаға Қазақстан атынан қатысатын 36 спортшының 18-і алғаш рет төртжылдықтың басты жарыстарына қатысады.
Құраманың ең жас қатысушысы 16 жасар Асан Асылхан фристайл-акробатикада өнер көрсетеді. Оның қанжығасында Азия ойындарының күміс медалі бар.
XXV Қысқы Олимпиада ойындары 6-22 ақпан аралығында Италияда өтеді.
Айта кетейік, қазақстандық телеарналар 6-22 ақпан аралығында Италияда өтетін XXV Қысқы Олимпиада ойындарын тікелей эфирде көрсетеді.
