Чемпиондар лигасы: жеребе тарту рәсімін қайдан көруге болады

30 қаңтар күні УЕФА Чемпиондар лигасының 2025/26 маусымындағы түйісу матчтардың жеребе тарту рәсімі өтеді. Рәсім Швейцарияның Ньон қаласында орналасқан УЕФА футбол үйінде ұйымдастырылады.

Жалпы кезеңнің қорытындысы бойынша алғашқы сегіз команда тікелей 1/8 финалға жолдама алды. Ал 9–24-орын алған ұжымдар плей-оффтың түйісу матчтарында бақ сынап, үздік сегіздікке қосылу үшін таласады.

Жеребе тартуға қатысатын командалар

9-16 орын алған комадалар:

«Реал» (Испания)
«Интер» (Италия)
ПСЖ (Франция)
«Ньюкасл» (Англия)
«Ювентус» (Италия)
«Атлетико» (Испания)
«Аталанта» (Италия)
«Байер» (Германия)

17-24 орындар:

«Боруссия» Дортмунд (Германия)
«Олимпиакос» (Грекия)
«Брюгге» (Бельгия)
«Галатасарай» (Түркия)
«Монако» (Франция)
«Қарабах» (Әзербайжан)
«Буде-Глимт» (Норвегия)
«Бенфика» (Португалия)

Жеребе тарту рәсімі қайда көрсетіледі?

Жеребе тарту рәсімі тікелей эфирде: UEFA.com сайтында және Qazsport телеарнасы мен ресми сайтында көрсетіледі. Басталу уақыты: 16:00

Түйісу матчтар қашан өтеді?

Бұл кезеңнің матчтары екі апта ішінде ойналады. Алғашқы матчтар: 17–18 ақпан. Жауапты матчтар: 24–25 ақпан.

Чемпиондар лигасының жалпы кезеңінің қорытындысы мен турнирлік кестесін осы сілтеме арқылы көре аласыз.