«РосАтом» наурыздан бастап Қазақстанның уран кен орнын бақылай алмайды
«Қазатомөнеркәсіп» Ақдала уран кен орнын сенімгерлік басқаруға алады. Бұл туралы Ұлттық компания хабарлады.
Ақдаладағы келісімшарт бойынша уран өндіру құқығы қазіргі таңда «Оңтүстік тау-кен химиялық компаниясына» тиесілі. Бұл «Росатом» мемлекеттік корпорациясының құрылымына кіретін Uranium One (70% үлесі) және «Қазатомөнеркәсіптің» (30% үлесі) бірлескен кәсіпорны.
«Қазатомөнеркәсіп» жер қойнауын пайдалануға арналған келісімшартты ұзарту кезінде ондағы кемінде 90% үлесті алуға тиіс. Компания келісімшарттың қолданылу мерзімінің өтуіне байланысты 2026 жылғы 28 наурыздан бастап Ақдала кен орнында уранды барлауға және өндіруге ие болады. Осыған дейінгі 2001 жылғы 28 наурыздан бекітілген пайдалануға беру туралы келісімшарттың уақыты біткен.
Компания Ақдала кен орнында келісімшарт аяқталған кезде технологиялық процесті тоқтата тұруға және/немесе бұзуға жол бермеу мақсатында кен орнын өңдеуді 2030 жылға дейін жалғастыруды талап ететін (өндіру қарқынын ескере отырып) шамамен 1,5 мың тонна көлемінде пайдаланылмаған уран қорларының қалдығы болжанатынын атап өтті.
«Осыған байланысты компания өндірістік әлеуетті сақтау және жұмыс ұзақтығын қамтамасыз ету мақсатында Ақдала кен орны бойынша жер қойнауын пайдалануға жаңа келісімшарт алу мүмкіндігін қарастыруда», – деп хабарлады компания.
Ұлттық компанияның ақпараты бойынша, Ақдала жер қойнауын пайдалануға арналған келісімшарт бойынша барлық міндеттеме орындалған.
Сондай-ақ есепте «Қазатомөнеркәсіптің» уран өндірісі 2025 жылы 11%-ға, яғни 25 839 тоннаға немесе 67,18 млн фунт уран оксидіне (U3O8) дейін өскені атап өтілген. Сату көлемі 2025 жылы 18 495 тоннаға немесе 48,08 миллион фунтқа дейін өсті, бұл 2024 жылмен салыстырғанда 11% көп.
