Тоқаев чемпион атанған Михаил Шайдоровты орденмен марапаттады
Жарияланды
Қасым-Жомарт Тоқаев Михаил Шайдоровты Қысқы Олимпиада ойындарының чемпионы атануымен құттықтады. Бұл туралы Ақордадан хабарлайды.
Президент спортшының «жоғары шеберлігі мен жеңіске деген ерік-жігері үшін» алғыс айтқан. Шайдоровтың алтыны тарих үшін маңызды жетістік екенін де атап өтті.
Ақорданың мәліметінше, Тоқаев Михаил Шайдоровты II дәрежелі «Барыс» орденімен марапаттау туралы шешім қабылдады. Оның айналасындағы жаттықтырушыларға және тиісті министрлікке атқарған жұмысы үшін алғыс айтты.
Еске салайық, мәнерлеп сырғанаушы Михаил Шайдоров Италияда өтіп жатқан Қысқы Олимпиада ойындарында чемпион атанды. Ол бірінші рет 5 рет төрттік секіру элементін сәтті орындады.
