Қырғызстан парламенті Қауіпсіздік комитеті жаңа басшысының кандидатурасын мақұлдады
16 ақпанда Қырғызстанның Жоғарғы Кеңесі Халықаралық істер, қорғаныс, қауіпсіздік және көші-қон комитеті елдің Ұлттық қауіпсіздік мемлекеттік комитетінің төрағасы лауазымына Жумгалбек Шабданбековтың кандидатурасын қолдады.
Кандидатты туралы ақпаратты ел президенті мен министрлер кабинетінің Жоғарғы Кеңестегі уәкілі Бектұр Зулпиев ұсынды.
Комитет Жоғарғы Кеңестің қарауына Қырғыз Республикасы Ұлттық қауіпсіздік мемлекеттік комитетінің төрағасы лауазымына Жұмғалбек Шабданбековті тағайындауға келісім беру туралы мәселені мақұлдады және жолдады.
Естеріңізге сала кетейік, Өткен аптада Қамшыбек Тәшиев Министрлер Кабинеті Төрағасының орынбасары – ҰҚКК төрағасы қызметінен босатылды. ҰҚКК басшысының ауысуынан кейін төрағаның үш орынбасары атқаратын лауазымдарынан босатылды.
Қамшыбек Тәшиев – Қырғызстан президенті Садыр Жапаровтың досы саналатын еді. Оны жақтастары үшін тәртіп пен қауіпсіздікті күшейткен шешімді басшы, ал сыншылары үшін тым қатаң әдістерді қолданатын саясаткер санайды. Соған қарамастан, ол Қырғызстанның қазіргі саяси тарихында елеулі із қалдырған тұлғалардың бірі саналады.
