Доллар тағы да 500 теңгеден асты. Қазақстан қор биржасында (KASE) сағат 15:30-да 1 доллар 501,26 теңге болды. Ұлттық банк осы бағаны 26 ақпанға ресми бағам ретінде бекітеді.
АҚШ доллары бір тәуліктің ішінде 4,02 теңгеге қымбаттады. Осылайша америкалық валюта ақпанның басындағы бағаға қайта оралды. 18 ақпанда ұлттық валюта 488 теңгеге дейін нығайған еді.
Валюта айырбастау мекемелеріндегі баға да көтерілді. kurs.kz мәліметінше, Алматы қаласында 1 доллар 502 теңгеден қабылданып, 502,5 теңгеден сатылып жатыр. Астана қаласында, әдеттегідей, бағам сәл жоғары – 497 және 504 теңге.
Бұған дейін қаржы сарпшылары доллар бағамы 550 теңгеге дейін көтерілуі мүмкін екенін ескерткен.
Өткен аптада Ұлттық банк өкілі елдегі ірі саяси науқаннан соң ұлттық валюта құнын күрт жоғалтпай ма деген сауалға жауап берген.
