Зейнеткерлер жақсы өмір сүретін мемлекеттер: Қазақстан қай орында

U.S. News & World Report сарапшылары зейнеткерлерге қолайлы өмір сүру деңгейі бойынша мемлекеттер арасында рейтинг ұсынды. Қазақстан бұл рейтингіде 89 елдің ішінде 77-орынды иеленді. Экономикалық және әлеуметтік жағдайы күрделі мемлекеттер ғана Қазақстаннан төмен тұр. Бұл Kursiv.media Energyprom-ға сілтеме жасап хабарлайды.

Салыстырмалы түрде алсақ, Африканың Гана елінің рейтингі 75-ші орында, ал Гондурас 63-ші орында тұр. Сол аймақтағы басқа мемлекеттер де төмен көрсеткіштер көрсетті: Әзербайжан – 81-ші, Өзбекстан – 84-ші, Украина – 85-ші, Беларусь – 87-ші, Ресей – 89-шы орында.

Ал ең үздік 10-дыққа Еуропаның дамыған елдері, Жаңа Зеландия, Австралия және Канада енді.

U.S. News & World Report сарапшыларының зейнеткерлік өмірге арналған рейтингісі шамамен 17 мың адамның сауалнамасына негізделген. Ал орындар 40–50 жас аралығындағы шамамен 5,9 мың респонденттің пікірі бойынша бөлінді. Респонденттер елдерді жеті сипат бойынша бағалады, оның ішінде өмір сүру құны, денсаулық сақтау жүйесі, салық және климат бар.

Айта кетейік, 2026 жылғы 1 ақпандағы жағдай бойынша Қазақстандағы зейнеткерлердің жалпы саны 2 млн 538 мың адамға жетті. Осыған байланысты жиынтық зейнетақының орташа мөлшері 157 843 теңгені құрап отыр. Бұл көрсеткіштің ішінде ынтымақты бөлігінің орташа сомасы 103 931 теңге болса, базалық зейнетақының орташа мөлшері 53 912 теңгеге тең.