306 қазақстандық эвакуациялық рейспен Дубайдан елге оралды

FlyDubai әуе компаниясы Дубайдан Астана мен Алматыға екі эвакуациялық рейсті орындап, Қазақстанға 306 адамды қайтарды. Бұл туралы Көлік министрлігінің баспасөз қызметі хабарлады.

Ведомстводан хабарлауынша, екі рейс те сейсенбіде Дубай – Астана және Дубай – Алматы бағыты бойынша ұйымдастырылды. 151 адамды Астанаға және 155 адамды Алматыға тасымалдаған.

«Бүгін FlyDubai әуе компаниясы Дубай қаласынан Астана мен Алматыға екі эвакуациялық рейсті орындады. Нәтижесінде 306 жолаушы Қазақстанға оралды», – делінген хабарламада.

Министрлік бұл бағыт бойынша жұмыс Сыртқы істер министрлігімен бірлесіп жүргізіліп жатқанын атап өтті. Азаматтарды қайтару бойынша іс-шаралар жалғасуда.

Сондай-ақ, 3 наурызда Air Astana Сауд Арабиясынан жоспарланған эвакуациялық рейстерді орындайды. Қазіргі уақытта Мединадан екі рейс жалпы сыйымдылығы 290 орындық Airbus A320 және Джиддадан Airbus A321-ге жалпы сыйымдылығы 339 орындық екі рейс бар.

SCAT әуекомпаниясы сыйымдылығы 290 орындық Boeing – 767 әуе кемесімен Алматы – Маскат (Оман)- Алматы бағыты бойынша әкету рейсін жоспарлады. Алматыдан ұшу жергілікті уақыт бойынша сағат 19:00-де өтті.

Сонымен қатар, жақын арада Медина мен Джиддадан қосымша эвакуациялық рейстер ұйымдастыру жоспарланған.

Ведомствоның мәліметінше, әлеуметтік желілерде жолаушылар алғыс сөздерімен бөлісіп, атқарылған жұмыстар туралы оң пікірлер жариялайды.

Айта кетейік, 4 наурызда Жидда қаласынан Қазақстанның 343 азаматын эвакуациялау жоспарланғанын жазған едік.