Қазақстан Жидда мен Дубайдан азаматтарын тасымалдауды жалғастыруда

4 наурызда Таяу Шығыс елдерінен Қазақстан азаматтарын қайтару үшін Air Astana әуе компаниясының екі рейсі және FlyDubai-дың үш рейсі жоспарланған. Бұл туралы Көлік министрлігі хабарлады.

Ведомствоның мәліметінше, Air Astana екі рейсті орындайды:

• Жидда – Ақтау – Алматы бағыты бойынша 148 орындық A320 ұшағымен;
• Жидда – Атырау – Алматы бағыты бойынша 184 жолаушыға арналған A321 ұшағымен.

Сонымен қатар, FlyDubai әуе компаниясы:

• Дубай – Алматы бағыты бойынша екі рейс;
• Дубай – Астана бағыты бойынша бір рейс жасауды жоспарлап отыр.

Жоспарланған рейстердің жалпы сыйымдылығы — 506 жолаушы.

Министрлік азаматтарды тасымалдауды ұйымдастыру жұмыстары уәкілетті мемлекеттік органдармен үйлестіріле отырып жалғасып жатқанын атап өтті.

Бұған дейін Сыртқы істер министрлігінің деректеріне сүйеніп, Иранның АҚШ және Израильмен қақтығыс аймағына түскен Таяу Шығыс елдерінде 9 000-нан астам Қазақстан азаматы қалып отырғанын жазған едік.