Қазақстандық файтер Дияр Нұрғожай UFC-дегі алғашқы жеңісіне қол жеткізді
Лас-Вегаста өтіп жатқан UFC 326 турнирінде қазақстандық файтер Дияр Нұрғожай бразилиялық Рафаэль Тобиасты жеңді.
Жекпе-жек толық үш раундқа созылды. Төрешілер бірауыздан (30-27, 29-28, 29-28) жеңіске Дияр Нұрғожайға лайық деп тапты.
Another W for the underdogs! 🐶
— UFC Europe (@UFCEurope) March 7, 2026
Diyar Nurgozhay gets the win over Rafael Tobias via decision #UFC326 pic.twitter.com/84QoLCRX3l
Бұл жеңіс қазақстандық спортшы үшін промоушендегі алғашқы табыс болды. UFC-дегі алғашқы екі кездесуінде ол Брендсон Рибейро мен Ұран Сатыбалдиевтен мерзімінен бұрын жеңіліп қалған еді.
Дияр Нұрғожай кәсіпқой карьерасында барлығы 13 жекпе-жек өткізіп, оның 11-інде жеңіске жеткен. 2024 жылдың қазан айында ол Dana White’s Contender Series турнирінің жеңімпазы атанып, содан кейін UFC-мен келісімшартқа отырған болатын.
