NASA дыбыстан жылдам ұшатын ұшақпен жолаушы тасымалдауды көздеп отыр

NASA дыбыстан жылдам ұшатын ұшақпен жолаушы тасымалдауды көздеп отыр. Әңгіме X-59 ұшағы туралы болып отыр.

NASA 20 наурызда X-59 дыбыссыз дыбыстан жылдам ұшағы туралы жоспарларын таныстырмақ.

«X-59 – Quesst миссиясының негізгі элементі. Ол дыбыстан жылдам, бірақ қатты дыбыстық соққысыз ұшуға арналған», – деп хабарлайды агенттік.

Quesst жобасы аясында NASA құрлық үстінде коммерциялық дыбыстан жылдам ұшуларды мүмкін етуді көздейді. Бұл сапар уақытын айтарлықтай қысқартуға мүмкіндік береді.

NASA Ұшақты таныстыру үшін ертең арнайы баспасөз мәслихатын өткізбек. Оған NASA басшылығымен бірге Quesst миссиясының өкілдері және Lockheed Martin Skunk Works компаниясының мамандары, X-59 сынақ ұшқыштары қатысады.

X-59 ұшағы екінші ұшу кезінде NASA Армстронг орталығындағы ангардан шығып, Эдвардс авиабазасы маңында ұшып-қонады. Ұшу шамамен бір сағатқа созылады.

Бұл сынақ «ұшу параметрлерінің ауқымын кеңейту» кезеңін бастайды. Оның барысында NASA ұшақтың қауіпсіздігін тексеріп, жылдамдығы мен биіктігін біртіндеп арттырады. Кейін X-59-дың ерекше акустикалық сипаттамасын бағалау үшін қосымша ұшу өтеді.

Агенттік мұның алдында ядролық отынмен жұмыс істейтін шағын ұшқышсыз аппарат жасалып жатқанын хабарлаған еді.