2026 жылы терроризм және экстремизм бойынша 17 адам сотталды

Алматы тұрғыны 2017 жылы шетелге кетіп, террористік топтар жағында қарулы қақтығыстарға қатысқан.

2025 жылы бірлескен арнайы операция барысында ұсталып, елге экстрадицияланды. Сот оны 8 жылға бас бостандығынан айырды.

Көкшетау тумасы 2013 жылы елден кетіп, интернетте террористік идеяларды насихаттап, дінаралық араздықты қоздырған. Шетелде ұсталып, Қазақстанға экстрадицияланғаннан кейін сот үкімімен 9,5 жылға сотталды.

ҰҚК қызметкерлері шетелдік әріптестермен бірге Астана, Алматы, Шымкент қалаларында, сондай-ақ Ақмола және Ұлытау облыстарында әрекет еткен алты радикалды топ мүшесінің қызметін тоқтатты. Олардың әрекеті террорлық іс-әрекеттерге қатысы бар ауыр қылмыс ретінде бағаланды.

Сонымен қатар, төрт сотталғанға қамау орындарында пікірлестерін тартуға әрекет жасап, тыйым салынған материалдар таратып, өз көзқарастарымен келіспейтіндерге қарсы зорлық-зомбылыққа арандатқаны үшін қосымша айыптар тағылды.

Жиыны биылдың өзінде экстремизм бабы бойынша 17 адам сотталған.

Қазір Қылмыстық кодекстің 174 және 256-баптары бойынша сотқа дейінгі тергеу амалдары жүргізілуде.

Айта кететін жайт, «Нұрсұлтан Назарбаев» халықаралық әуежайы аумағында, сондай-ақ бизнес-авиация терминалы аймағында ауқымды антитеррорлық оқу-жаттығулар өткен еді.