Армения ҰҚШҰ мен ЕАЭО-дан шығуды қарастырып жатыр

Ресей Арменияға жеткізілетін газ бағасын көтеру туралы шешім қабылдаса, Армения ҰҚШҰ мен ЕАЭО шығу рәсімін бастамақ.

РБК ақпаратына қарағанда, бұл туралы журналистермен брифингте Ален Симонян мәлімдеді.

«Мұндай әңгімелер жаңалық емес, мысалы, армян тауарларының импорты немесе газ бағасы туралы. Егер олар осындай шешім қабылдаса, Армения да өз шешімін қабылдап, ОДКБ мен ЕАЭО-дан толық шығады», — деді Симонян.

Еуразиялық экономикалық одақ – құрамына Ресей, Армения, Қазақстан, Қырғызстан және Беларусь кіретін экономикалық интеграциялық бірлестік.

1 сәуір күні Владимир Путин Кремльде Арменияның премьер-министрі Никол Пашинянмен кездесті. Ресей президенті Арменияның бір мезетте Еуроодақта да, ЕАЭО-да да бола алмайтынын ескерткен.

Арменияның ішкі нарығында табиғи газды жеткізу және тарату ісімен Газпром Армения айналысады. Оның жалғыз акционері – Газпром. Тек 2025 жылдың алғашқы жартысында жеткізілім көлемі 1,2 млрд текше метр болған.

Айта кететін жайт, Молдова парламенті елді Тәуелсіз мемлекеттер достастығы құрамынан түпкілікті шығару туралы шешімді қолдаған еді.