Жәнібек Әлімханұлы әлемдік рейтингтен шығарылды

Boxrec.com сайты орта салмақтағы рейтингті жаңартып, қазақстандық боксшы Жәнібек Әлімханұлын (17-0, 12 КО) дивизионның бірінші сатысынан алып тастады, деп хабарлайды Sports.kz.

Өзгерістер оның допинг-дауына байланысты дисквалификациялануы аясында орын алды. Енді рейтингтің көшбасшысы – кубалық Эрисланди Лара (32-3-3, 19 КО). Екінші орында доминикандық Карлос Адамес (27-1-1, 18 КО) тұр, ал үшінші сатыға британдық Конор Бенн (24-1, 14 КО) жайғасты.

Осылайша, Әлімханұлы кәсіпқой карьерасында жеңіліс таппағанына қарамастан, Boxrec нұсқасы бойынша орта салмақтағы бірінші нөмір мәртебесінен айырылды.

Еске сала кетейік, қазақстандық боксшы орта салмақта WBO нұсқасы бойынша әлем чемпионы болып қала береді. Алайда ол 2025 жылдың соңында анықталған мельдонийге оң допинг-тест үшін бір жылдық дисквалификациясын өтеп жатыр. Шектеу мерзімі 2026 жылдың 2 желтоқсанына дейін жарамды.

2026 жылдың 10 наурызында титулды міндетті түрде қорғауды өткізу мүмкін болмағандықтан, IBF оны чемпиондық белбеуінен айырды. Ал WBO оның болмаған кезеңіне уақытша титул енгізе отырып, толыққанды чемпион мәртебесін сақтап қалды.