Мүгедек ата-анасына дәрі-дәрмек алу үшін такси жүргізген студентке сот ескерту жасады
Қостанай соты мүгедек ата-анасына дәрі-дәрмек алу үшін заңсыз такси жүргізген студентке ескерту берумен шектелді.
Бұл әкімшілік іс Әулиекөл аудандық сотында қаралған.
«Кәсіпкерлік немесе өзге де қызметті тиісті тіркеусіз, рұқсатсыз не хабарлама жібермей жүзеге асыру бойынша жеке тұлға Б.-ға қатысты әкімшілік құқық бұзушылық туралы іс қаралды. Сотта анықталғандай, 2026 жылғы 10 наурызда Әулиекөл ауылында азамат Б. тиісті тіркеусіз жолаушыларды тасымалдау бойынша «такси» қызметін көрсеткен», – делінген хабарламада.
Сот талқылауы барысында сот өз кінәсін мойындап, құқық бұзушылыққа әкелген мән-жайларды ескеруді сұраған.
Атап айтқанда, оның асырауында мүгедектігі бар науқас ата-анасы бар. Анасының инсультпен ауруханада жатқан кезінде дәрі-дәрмек алуға қаражат қажет болған. Студенттің тұрақты табысының жоқтығы да түсінікті.
Сот істің мән-жайларын, құқық бұзушының жеке басын, оның материалдық және отбасылық жағдайын, сондай-ақ елеулі зиянның болмауын ескеріп, іс бойынша өндірісті тоқтатып, ауызша ескертумен шектелді.
Айта кететін жайт, Қостанай қаласының №2 сотында Beef Export Group ет кәсіпорнының иесі Александр Пархоменко мен оның 29 сыбайласына қатысты үкім шыққан еді.
