Маңғыстауда даланың қоқысқа толуына полигондағы өрт себеп
Әлеуметтік желілерде Маңғыстауда қоқысқа толған жайлауда түйенің жүрген видеосы пайда болды. Табиғи ресурстар басқармасы пластик пакеттер мен бөтелкелерді қатты тұрмыстық қалдықтар (ҚТҚ) полигонынан «жел ұшырып әкелгенін» мәлімдеп, аумақты қысқа мерзімде ретке келтіруге уәде берді.
Мәселенің мәні
Оқиға Мұнайлы ауданының Баянды ауылында, қатты тұрмыстық қалдықтар полигонына жақын жерде болған. Табиғи ресурстар және табиғат пайдалануды реттеу басқармасы 2026 жылғы 20 сәуірде полигон маңында өрт шыққанын хабарлады. Оны сөндіру жұмыстары мен қатты желдің салдарынан қалдықтардың бір бөлігі нысан аумағынан тыс жерлерге шашырап кеткен.
«Бұл жағдай уақытша сипатта екенін және полигонды күтіп ұстау бойынша бақылаудың немесе жүйелі жұмыстың жоқтығымен байланысты емес екенін баса айтамыз», – деп сендірді ведомство өкілдері.
Қазіргі уақытта арнайы қызметтер техниканың көмегімен полигон аумағы мен іргелес учаскелерді тазарту жұмыстарын жүргізіп жатыр.
«Тазарту іс-шараларын қысқа мерзімде аяқтау жоспарлануда… Жағдай жергілікті атқарушы органның тұрақты бақылауында», — деп толықтырды мемлекеттік орган.
Басқарма зардаптарды жою және аумақты тиісті қалыпқа келтіру туралы фотоесеп ұсынуға уәде берді.
