Астанада баланы көлік қағып кетті
Жарияланды
Астанада екі жасқа толмаған баланы көлік қағып кетті. Қайғылы оқиға қаладағы аулалардың бірінде болған. Қала полициясы қылмыстық іс қозғады.
Ресми ақпаратқа сәйкес, 3 мамырда Иманов көшесінде орналасқан үйдің ауласында Kia Seltos автокөлігі баланы қағып кеткен. Полиция баланың жол бойына шығып кеткенін хабарлады.
Салдарынан бала алған жарақатынан оқиға орнында қайтыс болды. Полиция қылмыстық іс қозғады, тергеу амалдары жүргізіліп жатыр.
Полиция көлік жүргізушілеріне тұрғын үй ауласында мұқият болуға кеңес берді. Ал ата-аналарды баланы қараусыз қалдырмауға шақырды.
Айта кетейік, 2025 жылы Қосшыда Kia Sportage мінген әйел екі жастағы баланы қағып кетті. Қыз оқиға орнында көз жұмды.
