Темірлан Анарбеков Түркияның топ-клубына кетуі мүмкін бе
Түркияның танымал футбол агенті Али Емре Қазақстан құрамасы мен алматылық «Қайраттың» қақпашысы Темірлан Анарбековті түрік Суперлигасының «Фенербахче» клубына ауыстыруға ниетті екенін мәлімдеді.
Футболшыларды Түркияның футбол клубтарына трансферлеуге маманданған Али Емре Х әлеуметтік желісіндегі аккаунтында Темірлан Анарбековтің «Фенербахче» клубы үшін қолайлы кандидаттардың бірі екенін айтты. Айта кетейік, аталған клуб Түркияның жоғарғы дивизионы – Суперлиганың 2025/26 маусымының қорытындысы бойынша екінші орынды иеленіп отыр.
«Біз «Сити», «Бавария», «ПСЖ» немесе «Барселона» емеспіз. Бізге шабуылды өз қақпасынан бастайтын қақпашының қажеті жоқ. Бізге қақпа сызығына байланып тұрмайтын, қақпадан тыс жақсы ойнайтын және қорғанысқа жетекшілік ете алатын голкипер керек. Мен үшін бірінші нұсқа – Цолакис, одан кейін Темірлан Анарбеков тұр. Бізге Муслера сияқты команда үшін матчтарда жеңіс сыйлай алатын қақпашы қажет», – деп жазды Али Эмре.
Daha önce hatırlarsanız sorularınız üzerine 12+2 kadro kurmuştum. Şimdi 10+4 yeni sezon için en ideal kadro bu. İlk 11'de 1 yerli, yedekte 2004 sonrası 4 yabancı kuralı sebebiyle böyle bir kadro kurdum;
— Ali Emre (@alikaraoksuztr) May 15, 2026
✅ Kalede aklımda Temirlan Anarbekov vardı. Onda yerli statü kuralı mavi… pic.twitter.com/Kl6Ag4QIBq
Айта кетейік, алматылық «Қайраттың» Чемпиондар лигасындағы сәтті өнерінен кейін жанкүйерлер мен мамандар арасында команда қақпашысы Темірлан Анарбековтің еуропалық топ-клубта ойнауға мүмкіндігі бар екені туралы әңгімелер айтыла бастады.
Дегенмен, футболшының трансфері туралы әзірге ресми ұсыныс түспеген.
