Көлік нөмірін енді мұраға қалдыруға болады

2026 жылғы 25 мамырдан бастап Қазақстанда автокөліктерді тіркеудің жаңа ережелері күшіне енеді.

Kolesa.kz ақпаратына қарағанда, енді азаматтар тек сұранысқа ие «әдемі» нөмірлерді ғана емес, кез келген мемлекеттік тіркеу нөмірін туыстары мен мұрагерлеріне рәсімдей алады.

Түзетулерге сәйкес, бұрын қолданылған мемлекеттік нөмірлерді ата-анасына, балаларына, жұбайына, ата-әжесіне, немерелеріне, сондай-ақ туған және өгей аға-інілеріне немесе әпке-сіңлілеріне ресми түрде қайта тіркеуге рұқсат беріледі. Жаңа ереже мемлекеттік органдарға, дипломаттарға және мұрагерлік құқық иелеріне де қатысты болады.

Бұған дейін мұндай мүмкіндік тек жоғары сұранысқа ие «әдемі» мемлекеттік нөмірлерге ғана берілетін. Енді комбинацияларға қатысты шектеулер іс жүзінде алынып тасталады.

Сонымен қатар, жаңартылған ережелерге мұндай нөмір белгілерінің қосымша тізімі енгізілді. Бұл комбинациялар бұған дейін Қазақстанның Салық кодексінде қарастырылған.

Алайда, көлікке жалған нөмір таққандарға қылмыстық жауапкершілік енгізілуі мүмкін