Мақпал Жүнісова «Барыс» орденімен марапатталды
Мәдениет және өнер қызметкерлері күнінде Ақордада арнайы жиын өтіп, Тоқаев бірқатар тұлғаларды марапаттады.
Президент жарлығымен Қазақстанның халық әртісі Мақпал Жүнісова екінші дәрежелі «Барыс» орденін, ал әнші әрі домбырашы Татьяна Бурмистрова «Отан» орденін алды. Сондай-ақ Михаил Лермонтов атындағы ұлттық орыс драма театрының актрисасы Марина Ганцева III дәрежелі «Барыс» орденімен марапатталады.
«Кәсіби мереке күні мәдениетіміздің дамуына зор еңбек сіңірген бірнеше өнер қайраткеріне «Қазақстанның халық әртісі» атағы беріледі. Жалпы, биыл елімізде 120 мәдениет және өнер қызметкері мемлекеттік марапатқа ие болады, – деді мемлекет басшысы», – деп атап өтті Тоқаев.
Мәдениет және өнер қызметкерлері мерекесіндегі тағы бір жаңалық – Маңғыстау жерасты мешіті мен Абайдың қара сөздері ЮНЕСКО тізіміне кіру мүмкін. Мемлекеттік кеңесші Ерлан Қариннің сөзінше, олардың тағдыры шілдеде Оңтүстік Кореяда өтетін арнайы жиында белгілі болады.
