Израиль мен Ливан Вашингтонда келіссөздердің жаңа кезеңін бастады
АҚШ ұрыс қимылдарының жалғасуы аясында Израиль мен Ливан арасындағы шиеленісті бәсеңдету бойынша делдалдық күш-жігерін жалғастыруда, деп хабарлайды The Guardian.
Сейсенбі күні Вашингтонда АҚШ-тың делдалдығымен Израиль мен Ливан арасындағы келіссөздердің төртінші кезеңі басталды. Кездесу АҚШ Мемлекеттік департаментінде өтуде және екі күнге созылады. Келіссөзге Израиль мен Ливан өкілдері қатысуда. Екі ел де 1948 жылдан бері ресми түрде соғыс жағдайында қалуда.
Ливанның NNA ұлттық ақпарат агенттігі делегациялардың Вашингтонға келіп, талқылауды бастағанын хабарлады.
Келіссөздер күн тәртібінің егжей-тегжейлері әзірге жарияланған жоқ. Консультациялардың жаңа кезеңі АҚШ президенті Дональд Трамптың Израиль мен «Хезболладан» жағдайды деэскалациялауға қатысты кепілдік алғаны туралы мәлімдемесінен кейін басталды.
Келіссөздер Израильдің Ливан аумағындағы әскери операцияларының жалғасуы аясында өтуде. Бейрут Израильдің әрекеттері АҚШ-тың делдалдығымен 17 сәуірде күшіне енген атысты тоқтату режимін бұзады деп санайды. Кейінірек ол шілде айының басына дейін ұзартылған болатын.
Айта кетейік, бұған дейін алты апта бұрынғы атысты тоқтату режиміне қарамастан, Израиль премьер-министрі Б. Нетаньяху «Хезболлаға» қарсы Ливанға әскер кіргізуді жалғастыруға бұйрық бергенін жазған едік.
