Футбол: Қазақстан құрамасы мен Армения жолдастық кездесуде тең түсті
Жарияланды
Футболдан Қазақстан ерлер құрамасы Ереванда өткен сырт алаңдағы жолдастық кездесуде Армениямен тең ойнады.
Вазген Саргсян атындағы Республикалық стадионда өткен кездесу 1:1 есебімен аяқталды. Матчтағы екі гол да екінші таймда соғылды.
Ойынның 50-минутында Максим Самородовтың голының арқасында қазақстандық құрама алға шықты. Алайда алаң иелері араға бірнеше минут салып есепті теңестірді.
Қазақстандықтар келесі кездесуін 9 маусым күні Венгрияға қарсы өткізеді. Дебрецен қаласында өтетін жолдастық матч Астана уақытымен сағат 22:00-де басталады.
Айта кетейік, 12 маусымда басталатын футболдан Әлем чемпионатының күнтізбесі жарияланған еді.
