+50 градус: Шілдеде шіліңгір ыстық күтіп тұр

«Қазгидромет» синоптиктері шілде айына арналған консультативтік ауа райы болжамын ұсынды. Жаздың екінші айы жылдағы ең ыстық кезең болып қала береді.

Жалпы алғанда, еліміз бойынша орташа ауа температурасы +21…+29 градус болады.

Өңірлер бойынша:

• солтүстік пен шығыста +18…+23 градус;
• Шығыс Қазақстан облысының таулы аудандарында +14…+16 градус;
• оңтүстікте +28…+30 градус;
• оңтүстік пен оңтүстік-батыстың жекелеген аудандарында +30…+31 градус;
• солтүстікте, қиыр шығыста және оңтүстік-шығыста +15…+20 градус.

Жекелеген күндері солтүстік пен шығыста ауа температурасы +42…+43 градусқа дейін, орталық, батыс және оңтүстік-шығыс өңірлерде +47…+48 градусқа дейін, ал оңтүстікте +50 градусқа дейін көтеріледі.

Шілдеде аптап ыстықпен қатар суыту ықтималдығы сақталады, түнгі уақытта күтіледі:

• солтүстік пен шығыста +0…+5 градусқа дейін;
• қалған аумақта +7…+12 градус.

Шілдеде үсік жүруі екіталай, бірақ бірнеше жыл СҚО мен ШҚО-ның кейбір станцияларында температура -1…-4 градусқа дейін төмендеген.

Қазақстанның солтүстігінде шілде – жылдың ең жаңбырлы айы. Жауын-шашын жиі найзағаймен ұштасады, кей жерлерде нөсерге ұласады. Найзағай әсіресе солтүстік, шығыс және таулы аудандарда байқалады. Оңтүстік-шығыстың тауларында кейде бұршақ жаууы мүмкін.

Айта кетейік, бұған дейін жаз айларындағы ауа райы туралы жазған едік.