Нүкістен Әлем чемпионатына дейін: 11 жастағы Жәһангірдің арманы қалай орындалды

Көптеген балалар үшін футбол шаң басқан ауладан, сол бір доп теуіп арман қуғаннан басталады. Сүйікті командасының жейдесін киіп, футбол жұлдыздарын бір мәрте болсын жақыннан көруді қиялдайды. Ал Нүкіс қаласынан келген 11 жасар Жәһангір Садықов үшін бұл арман шындыққа айналды.

23 маусым күні Хьюстон қаласында өткен Өзбекстан – Португалия матчының алдында Жәһангір алаңға шығып, ФИФА-ның ресми ойын добын алып шықты. Дәл осы сәтте трибунада ондаған мың жанкүйер отырса, әлем бойынша миллиондаған көрермен тартысты кездесуді тікелей эфирден тамашалады. Жәһангірдің бұл арманы Kia x FIFA World Cup 2026™ балалар байқауындағы жеңісінің арқасында орындалды.

«Алаңға шыққанда жүрегім қатты соғып кетті. Үлкен стадионды, толқыған жанкүйерлерді, әлемдік деңгейдегі ойыншыларды көргенде мұның бәрі өңімде болып жатқанын түсіндім», – деп бөлісті Жәһангір өз әсерімен.

Өзбекстан үшін тарихи сәт

Бұл күн бала үшін ғана емес, бүкіл ел үшін ерекше болды. Өйткені алаңға өз тарихында тұңғыш рет футболдан Әлем чемпионатына жолдама алған Өзбекстан ұлттық құрамасы шықты.

Жәһангір Өзбекстан – Португалия арасындағы тарихи матчтың куәгері болып қана қоймай, миллиондар сүйсінетін футбол жұлдыздарымен бір қатарда тұрды.

Еске сала кетейік, Португалия Өзбекстанды 5-0 есебімен жеңіп, Роналду ойында екі гол соғып, рекорд орнатқан еді.