Маңғыстау тұрғыны өмір бойына жүргізуші куәлігінен айырылды

замена водительских прав в Казахстане, обновить водительское удостоверение в Казахстане, eGov, eGov Mobile, истек срок водительского удостоверения, срок водительских прав — фото: finish_process

Маңғыстауда мас болып көлік айдаған тұрғын өмір бойына жүргізуші куәлігінен айырылды. Бұл туралы Бас прокуратура хабарлады.

Құзырлы органдардың дерегінше, Н. есімді азамат осы жылы наурызда мас болып, көлік айдаған. Сол кезде ол сот шешімімен 15 тәулік әкімшілік қамаққа алынып, 7 жылға көлік жүргізу құқығынан айырылған. Бірақ тыйым салынғанына қарамастан тұрғын тағы да ішімдік ішіп, көлік жүргізгені анықталды.

«Осыдан кейін Маңғыстау аудандық сотының үкімімен азамат Н. Қылмыстық кодексінің 346-бабы бойынша кінәлі деп танылып, 1 жыл мерзімге бас бостандығынан айыру жазасына сотталды, сондай-ақ өмір бойына көлік жүргізу құқығынан айырылды. Сотталушы сот залынан қамауға алынды», – деп хабарлайды құзырлы органдар.

Еске салайық, осыған дейін Парламент мінберінде мас болып, көлік айдағандардың мәртебесі талқыланды. Кейбір депутаттар ішімдік ішіп, рөлге отырғандарға рақымшылық жасау қажет деп санайды.