Тоқаев Конго президентін Тәуелсіздік күнімен құттықтады
Мемлекет басшысы Қасым-Жомарт Тоқаев Конго Демократиялық Республикасының (КДР) президенті Феликс-Антуан Чисекеди Чиломбоға және ел халқына ұлттық мейрамы – Тәуелсіздік күніне орай құттықтау жеделхатын жолдады.
Қасым-Жомарт Тоқаев Қазақстанның бұл елді Африка құрлығындағы сенімді әрі маңызды серіктестерінің бірі ретінде қарастыратынын атап өтті.
Президент бірлескен күш-жігердің арқасында екіжақты байланыстар қос халықтың игілігі үшін одан әрі дами беретініне сенім білдірді.
Мемлекет басшысы Конго Президентінің жауапты қызметіне табыс, ал достас елдің халқына құт-береке мен өркендеу тіледі.
Айта кетейік, осыған дейін Президент Қасым-Жомарт Тоқаевтың шақыруымен 9-10 қыркүйек күндері Қазақстанға Конго Демократиялық Республикасының Президенті Феликс Чисекеди мемлекеттік сапармен келетіні белгілі болған еді.
