ҚР Ұлттық банкінің мәліметінше, 2026 жылғы қаңтар-мамырда Қазақстан банктерінің таза табысы 1,04 трлн теңгені құрады. Сектордағы пайданың негізгі бөлігі бірнеше ірі банкке тиесілі.
Ең көп таза табыс тапқан банк — Halyk Bank. Оның қаңтар-мамырдағы таза табысы 398,3 млрд теңге болды. Бұл бүкіл банк секторы табысының шамамен 38,5%-ы.
Екінші орында Kaspi Bank тұр — 191,9 млрд теңге. Үздік үштікті Банк ЦентрКредит түйіндейді, оның таза табысы 87,9 млрд теңге болды.
Одан кейінгі орындарда Отбасы банк — 68,9 млрд теңге, ForteBank — 54,8 млрд теңге, Alatau City Bank — 43,3 млрд теңге және Ситибанк Қазақстан — 41,7 млрд теңге.
Жалпы алғанда, алғашқы бес банк сектордағы таза табыстың шамамен 77%-ын жинаған. Бұл Қазақстан банк нарығында пайданың әлі де ірі ойыншылардың қолында шоғырланғанын көрсетеді.
Кей банктердің көрсеткіші салыстырмалы түрде төмен. Мысалы, Нұрбанк — 3,3 млрд теңге, KMF Банк — 3,4 млрд теңге, ADCB Ислам банкі — 2,8 млрд теңге таза табыс тапты.
Ал Коммерциялық Банк БиЭнКей қаңтар-мамыр қорытындысы бойынша 1,1 млрд теңге шығын көрсетті.
Тағы да оқыңыз: КТС, ҚҚС, МРТ және мықты теңге: Қазақстан банктері үшін 2026 жыл неге ауыр басталды.
