Иран АҚШ елшілерімен кездесуден бас тартты: Трамп соққы жасауды ойластырды

Иран 30 маусымда Құрама Штаттардың өңірге арнайы келген жоғары лауазымды елшілерімен кездесуден бас тартты. Соған байланысты Дональд Трамп Иранға қайтадан соққы жасау жағын ойластырған.

«Алдағы күндері америкалық тараппен қандай да бір кездесу өтпейді», – деп мәлімдеген Иран сыртқы істер министрлігінің өкілі Эсмаил Багаи.

Иран шенеуніктерінің мәлімдеуінше, ядролық бағдарлама секілді күрделі мәселелерді талқыламас бұрын, тараптар әуелі екі апта бұрын қабылданған атысты доғару туралы келісімді реттеп алуы тиіс.

АҚШ президенті Дональд Трамптың күйеу баласы Джаред Кушнер мен арнайы өкіл Стив Виткофф Дохада Иран шенеуніктерімен кездесу үшін Катар астанасына барған. Ақ үй осы екеуі «жоғары деңгейде» келіссөздер жүргізеді деп мәлімдеген. Алайда Кушнер мен Виткофф осы жолы ирандықтармен кездесу алмаған.

Тығырықтан шығу жолын іздестірген президент Трамп, Reuters мәліметінше, қайтадан соғысқа орналу мүмкіндігін қарастырған. Ол қорғаныс министрі Пит Хегсетпен, қолбасшылар штабының төрағасы Дэн Кейнмен келіссөз жүргізген. Осындай мәліметті Wall Street Journal газеті америкалық дереккөздерге сүйене отырып таратқан.

Дегенмен, мәліметтерге қарағанда, Иранды қайтадан соққы жасаймын деп қорқытқан Трамп дипломатияға көбірек уақыт беруді жөн деп шешкен.

CNN телеарнасының хабарлауынша, Иран америкалықтармен кездесуден бас тартқанымен, Дохада кездесулерде бұғатталған активтерді санкциядан босату мәселелері сөз болады. Бұғаттағы 6 млрд доллар әзірге Тегеранға аударылмаған.

Бұл уақытта Иран аятолла Иранда Әли Хаменеимен қоштасу рәсімін өткізуге дайындалып жатыр.