Ақмола облысындағы лагерьде алты бала тамақтан уланды

Ақмола облысындағы лагерьде балалар тамақтан уланған. Зардап шеккен балалары саны алтау болды, деп хабарлады өңірдің санитарлық-эпидемиологиялық бақылау департаменті.

Алты баланың төртеуі көпбейінді облыстық балалар ауруханасының балалар инфекциялық бөлімшесіне жатқызылды. Тағы екі бала амбулаторлық ем қабылдап жатыр.

«Барлығына қажетті медициналық көмек көрсетілуде», – деп хабарлады департамент.

Аумақтық санитарлық-эпидемиологиялық бақылау басқармасының мамандары оқиға орнына барды. Қазіргі уақытта тамақ өнімдерінен, судан және шайындылардан сынамалар алу жүргізіліп жатыр. Сондай-ақ қызметкерлер ішек инфекциясы қоздырғыштарын тасымалдаушылыққа тексерілуде.

Бұған дейін түнде Көкшетаудың көпбейінді облыстық балалар ауруханасына Біржан сал ауданындағы лагерьден улану белгілерімен: құсу, қызу көтерілу және іш өтумен төрт баланың шұғыл түрде жеткізілген. Облыстық денсаулық сақтау басқармасы ауруханаға жатқызылған балалардың жағдайы тұрақты екенін, олар дәрігерлердің бақылауында болып, ем қабылдап жатқанын хабарлаған еді.

Оқиғаның себептерін тергеу және эпидемияға қарсы іс-шаралар жалғасып жатқаны хабарланды. Бір күн бұрын Санэпидбақылау комитеті жұмыс басталмас бұрын әрбір лагерь санитарлық талаптарға сәйкестігіне міндетті бағалаудан өтетінін, ал 172 маусымдық балалар сауықтыру орталығы санитарлық-эпидемиологиялық қорытынды алғанын атап өткен болатын.