Венесуэладағы зілзаладан 2,6 мыңнан астам адам қаза тапты

Венесуэладағы зілзаладан Ла-Гуайра қаласы қирап қалды — Әсіресе Ла-Гуайра қаласы зілзаладан қатты зардап шекті / фото: MIGUEL MEDINA/Pool via REUTERS

Венесуэлада өткен аптадағы зілзаладан қаза тапқандар саны артып келеді. Ресми мәлімет бойынша, табиғат апат құрбандары 2645 адамға жетті.

Зілзаладан қатты зардап шеккен елдің ақпарат министрлігі тың мәлімет жариялады. Жер сілкінісінен 12 мыңнан астам адам жараланған. Шамамен 15 мың адам үйсіз-күйсіз, жылусыз қалды.

Бұған дейін АҚШ Геологиялық қызметі (USGS) зілзала құрбандарының саны 10 мыңнан асуы мүмкін деп болжаған. Осының алдында Венесуэлада шамамен 50 мың адам із-түссіз жоғалғаны айтылған.

Қазір БҰҰ, ЮНИСЕФ сынды халықаралық ұйымдардың, тағы 27 елдің құтқарушылар тобы зілзаладан зардап шеккен елде жүр. NASA-ның ғарыштан алынған мәліметінше, жойқын жер сілкінісінен 58 мыңнан астам үй мен ғимарат қираған.

Естеріңізге сала кетейік, 25 маусымда таңертең Латын Америкасындағы Венесуэлада екі жойқын зілзала болды. Шетелден мыңдаған құтқарушы осы елге көмектесуге барды. Қазақстан президенті Қасым-Жомарт Тоқаев жер сілкінісінен зардап шеккен елдің халқына көңіл айтты.