Жанабыловтардан тәркіленген көліктер мемлекеттік органдарға берілді

Сотталған блогер Ерболат Жанабылов пен жұбайы Эльмира Төлегеновадан тәркіленген автокөліктер мемлекеттік органдарға берілді. Бұл электрондық сауда-саттық порталындағы ақпаратта көрсетілген.

Порталда сауда-саттық мәртебесі «өтті» деп өзгерген.

Сегіз автомобиль Жанабыловтың сотталған әйелі Эльмира Төлегеновға тиесілі «Zhana Business» ЖШС-не тіркелген. Тәркіленген көлік Астана қаласының мемлекеттік мүлік және жекешелендіру департаментінің балансында болған.

Порталда әр көлік 8 395 000 теңгеге бағаланған.

Сот үкімі

27 сәуірде ерлі-зайыпты блогер Ерболат Жанабылов пен Эльмира Төлегеноваға үкім шықты. Жанабылов мүлкі тәркіленіп, екі жылға шартты түрде сотталды. Ал Эльмира Төлегенованың мүлкі тәркіленіп, 2 жылға бас бостандығынан айырылды. Жазасын өтеу мерзімі 2 жылға кейінге қалдырылды.

Қылмыстық істегі жалпы шығын 247 млн теңге болды.

Олардың 315 млн теңге тұратын көлігі өздеріне қайтарылды.