Павлодардан 200 шақырым жерде жер сілкінді
Жарияланды
Қазақстан мен Ресей шекарасына жақын аймақта магнитудасы 4,9 балл жер сілкінісі болды.
Ұлттық ядролық орталығы мәліметінше, жерасты дүмпуі 18 шілдеде Астана уақытымен сағат 02:09-да тіркелген.
«Жер сілкінісінің ошағы екі елдің шекаралас аймағында, Павлодар қаласынан солтүстік-шығысқа қарай шамамен 200 шақырым жерде орналасқан», – делінген хабарламада.
Бұдан бөлек 18 шілде таңертең сейсмологтар тағы бір жер сілкінісін тіркеді. Қытай аумағында тіркелген жер сілкінісі Астана уақытымен сағат 10:47-де болған.
Екі жер сілкінісінің Қазақстан аумағында сезілгені, сондай-ақ зардап шеккендер мен қираулар туралы ақпарат түскен жоқ.
