Дастан Сәтбаев қалсын, қалғандары сатылсын – «Челси» фанаттары

Қазақстан құрамасының шабуылшысы Дастан Сәтбаев негізгі құрамда қалуға тиіс. Қалған ойыншылар сатылуы керек.

«Челси» клубына арналған Against the World фан-парақшасында осындай талап қойылды.

Фан-парақша авторының пікірінше, лондондық клуб шабуыл шебін қайта жасақтауы керек.

«Николас Джексон мен Лиам Делапты құрамнан шығару керек. Олар толық трансфермен сатылсын немесе маусымдық жалға берілсін. Ал Эмануэль Эмега мен Дастан Сәтбаевтың командада қалғанын қалаймын», – деп жазды дереккөз.

Қазір Дастан Сәтбаев «Челсидің» маусым алдындағы оқу-жаттығу жиынында жүр. Жиын қорытындысы бойынша бас бапкер Хаби Алонсо қазақстандық футболшының болашағына қатысты шешім қабылдайды.

Сәтбаев осы уақытқа дейін лондондық клуб сапында екі жолдастық матчқа қатысып үлгерді.

Айта кететін жайт, 19 шілдеде Дастан Сәтбаев «Челси» сапында алғашқы ойынын өткізді.