Астана әкімдігі талапкерлерге 300-ден аса грант бөлді

Астана әкімдігі талапкерлерге 303 білім беру грантын бөлді. Грант жоғары және жоғары оқу орнынан кейінгі білім беру кадрларын даярлау мақсатында 2026-2030 жылдарға бөлінген. 

Мемлекеттік тапсырыс аясында жоғары оқу орындарына құжат қабылдау 2026 жылдың 5-10 тамызы аралығында өтеді. Астана әкімдігінің білім гранты конкурсына қатысу үшін талапкерлер сол жоғары оқу орнының қабылдау комиссиясына өтініш жазуы қажет.

Гранттар мына ЖОО мен білім беру бағдарламаларына бөлінді:

Л.Н. Гумилев атындағы Еуразия ұлттық университеті:

• Көлік қызметтері.

А. Құсайынов атындағы Еуразия гуманитарлық институты:

• Мектепке дейінгі оқыту және тәрбиелеу.

Astana International University:

• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі;
• Физика пәні мұғалімдерін даярлау;
• Математика пәні мұғалімдерін даярлау;
• Информатика пәні мұғалімдерін даярлау;
• Орыс тілі мен әдебиеті пәні мұғалімдерін даярлау;
• Көркем еңбек және сызу пәні мұғалімдерін даярлау;
• Ақпараттық технологиялар.

Абай атындағы Қазақ ұлттық педагогикалық университеті:

• Мектепке дейінгі оқыту және тәрбиелеу;
• Бастауышта оқытудың педагогикасы мен әдістемесі;
• Информатика пәні мұғалімдерін даярлау;
• Математика пәні мұғалімдерін даярлау;
• Физика пәні мұғалімдерін даярлау;
• Ақпараттық технологиялар;
• Арнайы педагогтерді даярлау (дефектолог; логопед, тифлопедагог, сурдопедагог).

Esil University:

• Информатика пәні мұғалімдерін даярлау;
• Математика пәні мұғалімдерін даярлау;
• Ақпараттық технологиялар.

Айта кетейік, қазақстандық талапкерлер 5 тамызға дейін Қырғызстан және Тәжікстандағы оқу орындарына грант ұтып алуға құжат тапсыра алады.