Дастан Сәтбаевтың «Челсидегі» келесі ойыны қашан өтеді

Лондонның «Челси» мен «Тоттенхэм» клубтары Австралияда өтіп жатқан «Sydney Super Cup» маусымалды турнирі аясында жолдастық кездесу өткізеді.

Лондондық дерби 1 тамыз күні Сиднейдегі «Аккор» стадионында өтеді. Ойын жергілікті уақытпен сағат 19:45-те, ал Қазақстан уақытымен сағат 14:45-те басталады.

Бұл тартысты бәсекеде Қазақстан құрамасының 17 жастағы шабуылшысы Дастан Сәтбаев алаңға шығуы мүмкін. Алғашқы ойында Сәтбаев «Уэстерн Сидней Уондерерс» клубына қарсы өткен кездесуде бастапқы құрамында алаңға шығып, гол соқты.

«Челсидің» бапкерлер штабы қазақстандық шабуылшының «Тоттенхэмге» қарсы өтетін дербиге қатысуы туралы түпкілікті шешімді матч алдында қабылдайды. «Тоттенхэммен» болатын ойыннан кейін лондондық ұжым турне аясында «Ювентус», «Милан» және «Джохор Дарул Тазим» клубтарымен бақ сынайды.

Оқи отырыңыз: «Челси» бас бапкері Хаби Алонсо Дастан Сәтбаев туралы пікір білдірді.