Тамыз айында 7 өңірде құрғақшылық қаупі сақталып тұр

Қазгидромет синоптиктері 2026 жылдың тамыз айына арналған атмосфералық құрғақшылықтың болжамын жариялады.

Метеорологтердің болжамы бойынша, 2026 жылдың тамыз айында бірден бірнеше өңір құрғақшылық қаупінде тұр.

Қауіп аймағына енген өңірлер мен аудандар:

• Батыс Қазақстан облысы – Бөкей ордасы және Жәнібек аудандары;
• Ақтөбе облысы – Шалқар және Ырғыз аудандары;
• Атырау облысы – Құрманғазы ауданы;
• Алматы облысы – Балқаш ауданы;
• Жамбыл облысы – Мойынқұм, Қордай, Сарысу, Талас және Жамбыл аудандары;
• Түркістан облысы – Арыс қаласы, Созақ, Қазығұрт, Ордабасы, Шардара, Жетісай, Бәйдібек және Келес аудандары;
• Қызылорда облысы – Қазалы, Қармақшы, Шиелі аудандары және Қызылорда қаласы.

Сонымен қатар, мамандардың айтуынша, еліміздің тек екі ауданында – Солтүстік Қазақстан облысының Тимирязев ауданы мен Қостанай облысының Ұзынкөл ауданында ғана орташа ылғалды жағдай болжанып отыр.

«Қазақстанның қалған аумағында ылғалдану жағдайы климаттық нормаға жақын болады деп күтіледі», – делінген хабарламада.

Бұған дейін «Қазгидромет» 5 тамызға ауа райы болжамын ұсынды. Оған сәйкес, Астанада таңертең және күндіз қатты жаңбыр жауады, елдің оңтүстігі мен батысында аптап ыстық болады.