Алматыда Центральная және Төле би көшелері уақытша жабылады

Алматыда жөндеу жұмыстарын жүргізуге байланысты екі көшенің учаскелерінде қозғалыс уақытша шектеледі.

Бостандық ауданындағы Центральная көшесінің учаскесінде орташа жөндеу жұмыстарының жүргізілуіне байланысты қозғалысқа уақытша шектеулер енгізіледі. Сондай-ақ, 11 тамыз сағат 20:00-ден 15 тамызға дейін Кәкімбек Салықов көшесінен Жәңгір хан көшесіне дейінгі учаскеде автокөлік қозғалысы толығымен жабылады.

Жөндеу жүргізіліп жатқан учаскеде ескерту белгілері мен мердігер ұйым басшысының байланыс ақпараты бар стендтер қойылады.

Бұдан бөлек, 11 тамыз сағат 22:00-ден 12 тамыз сағат 06:00-ге дейін Байтұрсынов көшесінен Масанчи көшесіне дейінгі учаскеде Төле би көшесі бойымен қозғалыс толығымен жабылады.

Integra Construction KZ компаниясының хабарлауынша, дайындық жұмыстары 11 тамыз сағат 22:00-ден 12 тамыз сағат 06:00-ге дейін Төле би көшесінің Жұмалиев көшесі мен Байзақов көшесі аралығында жүргізіледі.

Шектеу «Алматы қаласында LRT бірінші желісінің бірінші кезеңін салу» жобасы шеңберіндегі дайындық жұмыстарын жүргізуге байланысты. Жүргізушілерге бағдаршамдарды (маршруттарды) алдын ала жоспарлау және мүмкіндігінше айналып өту үшін басқа көшелерді таңдау ұсынылады.

Жол қозғалысы қатысушыларынан уақытша жол белгілерінің талаптарын және қозғалыс қауіпсіздігін қамтамасыз ететін қызметкерлердің нұсқауларын сақтау сұралады.