Тоқаев Нарендра Модиді Үндістанның Тәуелсіздік күнімен құттықтады
Жарияланды
Мемлекет басшысы Қасым-Жомарт Тоқаев Үндістанның Тәуелсіздік күніне орай ел Премьер-министрі Нарендра Модиге құттықтау жеделхатын жолдады. Бұл туралы Ақорда баспасөз қызметі хабарлады.
Тоқаев Үндістанның әлеуетін атап өтті
Президент құттықтауында Үндістанның халықаралық аренадағы орны маңызды екенін атап өтті. Сондай-ақ елдің экономикалық жетістіктері мен ғылыми-техникалық әлеуетіне тоқталды.
Қасым-Жомарт Тоқаев Қазақстан мен Үндістан арасындағы стратегиялық серіктестіктің қарқынды дамып келе жатқанын жоғары бағалады.
Мемлекет басшысының айтуынша, екі елдің түрлі салалардағы өзара ынтымақтастығын одан әрі дамытуға мүмкіндік мол.
Тоқаев Нарендра Модиге жауапты қызметінде табыс, ал Үндістан халқына бейбітшілік, бақ-береке және өркендеу тіледі.
