18 тамыздағы саудада мұнай бағасы қайта өсті. Brent маркалы мұнайдың баррелі 91 доллар шамасында, ал WTI 85 доллар маңында саудаланып жатыр. Brent соңғы апталардағы ең жоғары деңгейдің біріне көтерілді.
Геосаяси тәуекел қайта күшейді
Бағаның өсуіне басты себеп – Таяу Шығыстағы геосаяси шиеленістің күшеюі. АҚШ пен Иран арасындағы келіссөздерде айтарлықтай ілгерілеу байқалмай отыр. Соның салдарынан нарық Иран мұнайы мен Ормұз бұғазы арқылы өтетін жеткізілімге қатысты тәуекелді қайта бағалай бастады.
Brent мұнай бағасы онлайн
Brent Crude Oil, USD/баррель. Дерек TradingView арқылы жаңарып тұрады.
Ормұз бұғазы әлемдік мұнай тасымалы үшін аса маңызды бағыт саналады. Соңғы күндері мұнда танкерлер қозғалысының азаюы трейдерлердің алаңдаушылығын күшейтті. Егер тасымал ұзақ уақыт шектелсе, Парсы шығанағынан әлемдік нарыққа шығатын мұнай көлемі азаюы мүмкін.
Мұнай бағасына Ресей мен Қызыл теңіз маңындағы жағдай да әсер етіп отыр. Ресейдегі мұнай өңдеу инфрақұрылымына қатысты тәуекелдер мен теңіз тасымалындағы проблемалар дайын мұнай өнімдері нарығындағы ұсынысты қысқартты.
