Алматының бірнеше ауданында жарық өшті
Жарияланды
20 тамыз күні кешке Алматының кейбір аудандары қайтадан жарықсыз қалды, деп хабарлайды Kursiv.Media.
«Алатау жарық компаниясының» апатты өшірулер картасындағы мәліметке сәйкес, сағат 16:20-дан бастап Алмалы ауданында Тұркебаев көшесі – Райымбек даңғылы – Розыбакиев көшесі – Бөгенбай батыр көшесі аралығында электр жарығы жоқ.
18:10-да Сейфуллин – Жұмабаев – Сельская – Беспаков көшелері аралығында жарық өшті.
19:10-да Сериков, Омаров көшелеріндегі және Құлагер шағынауданындағы кейбір үйлердің тұрғындары да электр қуатынсыз қалды.
Өшіру себептерін мамандар анықтап жатыр. Электрмен жабдықтауды үш сағат ішінде қалпына келтіруге уәде берілді.
