VI Дүниежүзілік көшпенділер ойындарының медальдары таныстырылды
VI Дүниежүзілік көшпенділер ойындары қарсаңында Қырғызстан Республикасының Дене шынықтыру және спорт мемлекеттік агенттігі жарыс жеңімпаздары мен жүлдегерлеріне табысталатын алтын, күміс және қола медальдардың ресми дизайнын ұсынды, деп хабарлайды Kursiv.Media.
Жүлделердің дизайн-концепциясы қырғыз халқының дәстүрлі философиясына негізделген. Екі жақты медальдардың қақ ортасында Көшпенділер ойындарының ресми логотипі орналастырылған. Сонымен қатар марапаттар қолдануға ынғайлы болуы үшін арнайы тұғырлық жиынтықпен бірге беріледі.
VI Дүниежүзілік көшпенділер ойындарының үздік спортшылары осы ерекше медальдармен марапатталып, әлемдік көшпенділер спортының тарихына өз есімдерін алтын әріппен жазбақ.
VI Дүниежүзілік көшпенділер ойындарына билет бағасы және қай іс-шараларға тегін кіруге болатыны туралы толық мына жерден оқи аласыз.
