Қазақстандағы ең табысты банктер анықталды

Қазақстан банктері жеті айда 1,4 трлн теңгеге жуық таза пайда тапты. Алайда бұл ақшаның басым бөлігі санаулы қаржы ұйымына тиесілі: Halyk Bank пен Kaspi Bank екеуі банк секторы табысының шамамен 58%-ын жинаған.

Ұлттық банктің 1 тамыздағы дерегіне сәйкес, Halyk Bank 539,1 млрд теңге таза пайдамен бірінші орында тұр. Бұл Kaspi Bank көрсеткішінен екі есе көп. Kaspi Bank жыл басынан бері 268 млрд теңге тапқан.

2026 жылғы 1 тамыз

Екінші деңгейлі банктердің таза табысы

Жыл басынан бергі нәтиже. Банктер таза табысының көлемі бойынша көптен азға қарай орналастырылды.

Банктер рейтингі Таза табыс, млрд тг

1HHalyk Bank

539,13 млрд тг

2KKaspi Bank

267,99 млрд тг

3BCCБанк ЦентрКредит

122,97 млрд тг

4ОБОтбасы банк

99,98 млрд тг

5FForteBank

73,78 млрд тг

6CСитибанк Қазақстан

59,35 млрд тг

7RBKBank RBK

30,81 млрд тг

8HCHome Credit Bank

26,61 млрд тг

9FBFreedom Bank Kazakhstan

22,32 млрд тг

10VTBБанк ВТБ (Қазақстан)

21,26 млрд тг

11BBereke Bank

21,13 млрд тг

12ICBCICBC Almaty

17,68 млрд тг

13BOCҚазақстандағы Қытай Банкі

17,43 млрд тг

14AAltyn Bank

16,33 млрд тг

15SШинхан Банк Қазақстан

14,89 млрд тг

16EBЕуразиялық банк

12,40 млрд тг

17ZҚазақстан-Зираат халықаралық банкі

12,10 млрд тг

18NНұрбанк

5,09 млрд тг

19KMFKMF Банкі

4,84 млрд тг

20ACBAlatau City Bank

4,83 млрд тг

21ADCBADCB Ислам Банкі

4,39 млрд тг

22ZBЗаман-Банк

3,04 млрд тг

23BNKБиЭнКей Коммерциялық Банкі

−1,87 млрд тг

Дереккөз: ҚНРДА. Бастапқы көрсеткіштер мың теңгемен берілген; инфографикада миллиард теңгеге айналдырылып, екі ондық таңбаға дейін дөңгелектелді. Инфографика: Нұрсұлтан Ерболатұлы

Үшінші орында 123 млрд теңге пайдасы бар Банк ЦентрКредит орналасқан. Одан кейін Отбасы банк — 100 млрд теңге және ForteBank — 73,8 млрд теңге. Алғашқы бес банкке бүкіл сектор табысының 79%-ы тиесілі. Қарапайым айтқанда, банктер тапқан әр бес теңгенің төртеуіне жуығы осы бес қаржы ұйымының үлесінде.

Ситибанк Қазақстан 59,3 млрд теңге пайдамен алтыншы орынға шыққан. Bank RBK 30,8 млрд теңге, Home Credit Bank 26,6 млрд теңге, Freedom Bank 22,3 млрд теңге тапты. ВТБ Қазақстан мен Bereke Bank-тің пайдасы 21 млрд теңгеден асты.

Елдегі 23 банктің 22-сі жыл басынан бері пайда тапқан. Тек БиЭнКей Коммерциялық Банкі 1,87 млрд теңге шығын көрсетіп отыр. Ең аз пайда тапқандар қатарында Заман-Банк, ADCB Ислам Банкі, Alatau City Bank, KMF Банкі және Нұрбанк бар.