Қазақстан мұнай құбырларын басқаратын компания таза табысын үштен бір есе арттырды

«ҚазТрансОйл» ұлттық құбыр компаниясы биылғы алты айының қаржы нәтижесін жариялады. Осы аралықта компанияның шоғырландырылған түсімі өткен жылдың ұқсас кезеңімен салыстырғанда 10,3%-ға өсіп, 179,9 млрд теңгеге жетті. Ал таза пайда 33% артып, 29,4 млрд теңгені құрады. Осының арқасында әрбір жай акцияға шаққандағы пайда да өсіп, былтырғы 57 теңгенің орнына 76 теңгеден айналды.

Дегенмен, бас компанияның өз алдындағы қаржылық жағдайында өзіндік ерекшеліктер бар. Жеке алғанда «ҚазТрансОйлдың» өз түсімі 10,7%-ға ұлғайып, 150,6 миллиард теңгеге жеткенімен, таза пайдасы 35,7%-ға төмендеп, 20,3 млрд теңге деңгейінде қалды.

Бұл айырмашылық негізгі өсімнің еншілес және бірлескен кәсіпорындардың есебінен қамтамасыз етілгенін айқын көрсетеді.

Сонымен қатар, компанияның операциялық пайдасы 6,7%-ға өсіп, 22,4 млрд теңгені құрады.

Өндірістік және инфрақұрылымдық жобаларды дамытуға бағытталған күрделі шығындар (CAPEX) 31,1%-ға көбейіп, 12,8 млрд теңгеге жуықтады. Осы ретте әкімшілік шығыстар да 11,5%-ға артып, 9,1 млрд теңгеге жетті.

Маусым айының соңындағы мәлімет бойынша, «КазТрансОйлдың» резервіндегі ақшалай қаражат пен оның баламалары жыл басынан бері 7,8%-ға өсіп, 124,9 млрд теңгеге жеткен.

Ал компанияның жалпы қарыз көлемі 97,2 млрд теңге деңгейінде қалып, жыл басынан бері бар-жоғы 0,8%-ға ғана өзгерді. Бұл көрсеткіштер ұлттық оператордың нарықтағы орны мығым екенін және міндеттемелерін толық орындауға қауқарлы екенін білдіреді.

Бұған дейін компания топ-менеджерлеріне 2025 жыл үшін 405 млн теңге төлегені белгілі болған.