Ерлан Қарин кім: мұғалімдіктен вице-президентке дейін

31 тамызда Ерлан Қарин Қазақстан Республикасының вице-президенті болып тағайындалды. Еңбек жолын мектеп мұғалімі болып бастаған ол саяси зерттеулермен айналысып, ғылыми институт пен ұлттық телерадиокорпорацияны басқарған. Мемлекеттік хатшы және Мемлекеттік кеңесші болған Қарин бұған дейін Президент әкімшілігі басшысының бірінші орынбасары қызметін атқарды. Kursiv Media Қариннің еңбек жолына үңіліп көрді.

Мансап жолы · 1996–2026

Ерлан Қарин

Мұғалімдіктен вице-президенттікке дейін

1. 1996
   Тарих және география пәндерінің мұғалімі[1]Ақтөбе қаласындағы №33 мектеп
2. 1997–1998
   Оқытушы, редактор және саяси шолушы[2]Ақтөбе университеті және баспасөз басылымдары
3. 1998–2000
   Зерттеуші, институт директорының орынбасары[3]Қазақстан даму институтының Саяси зерттеулер орталығы; Ресей және Қытай институты
4. 2000–2003
   Орталық Азия саяси зерттеулер агенттігінің директоры[3]
5. 2002–2003
   Премьер-министрдің штаттан тыс кеңесшісі[2]Қатар атқарған қызметі
6. 2003–2006
   Заманауи саясат халықаралық институтының бас директоры[2]
7. 2003–2004
   «Асар» партиясы төрағасының бірінші орынбасары[2]Қазан 2003 — шілде 2004
8. 2004–2006
   Антитеррористік бағдарламалар орталығының басшысы[3]
9. 2006–2008
   Маңғыстау облысы әкімінің кеңесшісі[2]Саяси мәселелер жөнінде
10. 2008Ақпан–қараша
    Ішкі саясат бөлімінің меңгерушісі[2]Қазақстан Республикасы Президентінің Әкімшілігі
11. 2008–2013
    «Нұр Отан» партиясының хатшысы[2]Стратегиялық даму бағыты
12. 2013–2014
    Арнайы шақырылған профессор[1]Америка университеті, Вашингтон, АҚШ
13. 2014–2017Қазан — ақпан
    Қазақстан стратегиялық зерттеулер институтының директоры[4]ҚР Президенті жанындағы ҚСЗИ. 2014 жылғы 16 қазанда тағайындалды.
14. 2017–2019Ақпан — сәуір
    «Қазақстан» РТРК басқарма төрағасы[3]2017 жылғы 9 ақпанда тағайындалды.
15. 2019–2020Сәуір — шілде
    Қазақстан Республикасы Президентінің кеңесшісі[5]2019 жылғы 5 сәуірде тағайындалды.
16. 2020–2022Шілде — қаңтар
    Қазақстан Республикасы Президентінің көмекшісі[6]2020 жылғы 30 шілдеде тағайындалды.
17. 2022Қаңтар–маусым
    Қазақстан Республикасының Мемлекеттік хатшысы[7]2022 жылғы 5 қаңтарда тағайындалды.
18. 2022–2026Маусым — маусым
    Қазақстан Республикасының Мемлекеттік кеңесшісі[8]2022 жылғы 14 маусымда тағайындалды.
19. 202630 маусым — 31 тамыз
    Президент Әкімшілігі басшысының бірінші орынбасары[9]Президенттің №1335 Жарлығымен тағайындалды.
20. 202631 тамыздан бастапҚазіргі қызметі
    Қазақстан Республикасының вице-президенті[10]

Ескерту: кейбір қызметтері қатар атқарылған.

Дереккөздер: ресми өмірбаян, тағайындаулар және өмірбаяндық анықтама.

[1] Ақорда: ресми өмірбаян [2] Параграф: еңбек жолы [3] Qazaqstan: 09.02.2017 [4] Ақорда: 16.10.2014 [5] Үкімет: 05.04.2019 [6] Ақорда: 30.07.2020 [7] Ақорда: 05.01.2022 [8] Ақорда: 14.06.2022 [9] Ақорда: 30.06.2026 [10] Kazinform: 31.08.2026

Жаңартылған күні: 2026 жылғы 31 тамыз.

Инфографика: Нұрсұлтан Ерболатұлы

Білімі мен алғашқы жұмысы

Ерлан Тынымбайұлы Қарин 1976 жылғы 26 мамырда қазіргі Түркістан облысы Сайрам ауданының Ақсу ауылында туған. 2026 жылы 50 жасқа толды. 1996 жылы Қ. Жұбанов атындағы Ақтөбе мемлекеттік университетін тарих және география мамандығы бойынша бітірген. 1999 жылы әл-Фараби атындағы Қазақ мемлекеттік университетінің Философия және саясаттану факультетінде аспирантураны аяқтаған. Саясаттану ғылымдарының кандидаты.

Алғашқы жұмыс орны – Ақтөбедегі №33 мектеп. Мұнда тарих және география пәндерінен сабақ берген. Кейін университетте оқытушы, баспасөзде редактор және саяси шолушы болып еңбек етті. 1998 жылдан бастап зерттеу ұйымдарында жұмыс істеп, 2000 жылы Орталық Азия саяси зерттеулер агенттігінің директоры болды.

Ғылымнан саясатқа

2000 жылдары Қарин ғылыми-сараптамалық жұмыспен қатар саясатқа да араласты. Премьер-министрдің штаттан тыс кеңесшісі, «Асар» партиясы төрағасының бірінші орынбасары болды. Заманауи саясат халықаралық институтын және Антитеррористік бағдарламалар орталығын басқарды. 2006 жылы Маңғыстау облысы әкімінің саяси мәселелер жөніндегі кеңесшісі қызметіне келді.

2008 жылы Президент әкімшілігінің Ішкі саясат бөлімін басқарды. Сол жылдың қарашасында «Нұр Отан» партиясының стратегиялық даму жөніндегі хатшысы болды. Кейін ғылыми ортаға оралып, Вашингтондағы Америка университетінде арнайы шақырылған профессор ретінде жұмыс істеді.

ҚСЗИ мен «Қазақстанды» басқарған жылдары

2014 жылғы 16 қазанда Президент жанындағы Қазақстан стратегиялық зерттеулер институтының директоры болып тағайындалды. Бұл қызметтен кейін медиа саласына ауысты: 2017 жылғы 9 ақпанда «Қазақстан» республикалық телерадиокорпорациясының басқарма төрағасы болды.

Президент кеңесшісінен Әкімшілік басшысының орынбасарына дейін

2019 жылғы 5 сәуірде Президенттің кеңесшісі болып тағайындалды. Ал 2020 жылғы 30 шілдеде Президенттің көмекшісі болды. 2022 жылғы 5 қаңтарда Мемлекеттік хатшы қызметіне келді. Сол жылғы 14 маусымда Мемлекеттік кеңесші болып тағайындалды. Соңғы қызметті 2026 жылғы маусымға дейін атқарды.

2026 жылғы 30 маусымда Қасым-Жомарт Тоқаев Ерлан Қаринді Президент Әкімшілігі басшысының бірінші орынбасары етіп тағайындады. 2026 жылғы 31 тамыздағы жағдай бойынша ол осы қызметті атқарып отыр.