Бакуде өтетін «Сабах» – «Барселона» ойынына билеттерді қайдан сатып алуға болады

Әзербайжанның «Сабах» клубы УЕФА Чемпиондар лигасы аясында каталониялық «Барселонамен» кездеседі. Жанкүйерлер асыға күткен «Сабах» – «Барселона» арасындағы ойын 2026 жылдың 25 қарашасында Бакуде өтеді, деп хабарлайды Kursiv.Media.

Билеттерді қайдан сатып алуға болады?

Қазіргі уақытта матчқа билеттердің ресми сатылымы әлі бастала қойған жоқ.

Әзербайжандағы басты спорттық және мәдени шараларға билет сататын негізгі операторы iticket.az порталы. «Сабах» клубының үйдегі матчтарына билеттер де, әдетте, осы платформа арқылы өтеді.

Билет бағасы мен сатылымның басталғаны туралы ресми ақпарат ойынға бірнеше апта қалғанда «Сабах» клубының ресми ресурстарында, iticket.az сайтында және УЕФА-ның ресми порталында жарияланады.

Ескерту: Қазірдің өзінде кейбір бейресми агенттер мен алып-сатарлар алдын ала тапсырыс қабылдап жатқаны туралы ақпарат бар. Алайда, клуб пен iticket.az тарапынан ресми хабарландыру шыққанша, билеттерді бөгде ресурстардан сатып алмауға кеңес беріледі.

Аталмыш ойынға қазақстандық жанкүйерлер де белсенді қызығушылық танытып отыр. Айта кетейік, «Сабах» сапында қазақстандық қақпашы Стас Покатилов өнер көрсетеді.

Сондай-ақ, жақында Шымкент, Ақтөбе, Атырау қалаларынан Бакуге тікелей рейстер ашылған еді.